రాఘవేంద్ర రాఘవేంద్రుని

రాఘవేంద్ర రాఘవేంద్రుని కొలువరే, రఘురాముని ధరిజేరే మార్గమడుగరే

రాఘవేంద్ర రాఘవేంద్రుని పిలువరే, సన్మార్గము నడిచే శక్తి నడుగరే || రా ||

మంత్రముగ్దమయ్యే బృందావనమెళదామా, గురు రాఘవేంద్ర సన్నిధిని చూచి వద్దామా

భక్తి ముక్తి నొసగే వేదమంత్రము, గురు రాఘవేంద్ర నామమే తారక మంత్రము || రా ||

గల గల గల తుంగభద్రలో స్నానము, గురు రాఘవేంద్ర చరణ సేవకు సిద్ధము

బిర బిరమని మనసెగిసే వాయువేగము, గురు రాఘవేంద్ర శరణాగతిలో లీనము || రా ||

పవనతనయ వేంకటేశ లక్ష్మీ తేజము, గురు రాఘవేంద్ర ఆత్మజ్యోతిలో దర్శనము

పరిమళము పవిత్రము పరమపావనము, గురు రాఘవేంద్ర బోధసహిత జీవనయానము || రా ||

సన్మార్గము నడిచే శక్తి నడుగరే, సన్మార్గము నడిచే శక్తి నడుగరే