జాక్ పాటు

తనకోసం ఎప్పుడూ తడబాటు,
ఏమిటీ నేను చేసిన పొరబాటు,
కాలగమనంలో తప్పదు ఎడబాటు,
ఆ విరహంలో ఎప్పుడూ ఏమరపాటు,
మనకు వద్దు ఈ ప్రేమనే గ్రహపాటు,
మాటవినని మనస్సుతో ఏమిటీ అగచాటు,
తను కాదంటే గుండెల్లో పిడుగుపాటు,
తను అవునంటే కొట్టినట్టే జాక్ పాటు.

తను

తనకోసం తలచి తలచి తానే లోకమనే తలంపులో,
తనతో మమేకమవ్వాలనే తపనతో,
తానే పంచభూతాలుగా తపించే తన్మయత్వంలో ఉన్న ఓ నేస్తం!!
ఆ తరుణి కోసం తాపసివై, తలంచిన నీ తపస్సుకు,
తారకలే తోడువచ్చి , త్రికోలైనా తరచి తరచి , తనను నీ ముంగిట నిలపాలి.

గమ్యం

ఏమిటోయి నీ గమ్యం,
ఎందుకోయి ఈ పయనం,
ఎచటికోయి నీ గమనం,
కలలతీరం అతి మధురం,
కాని వాస్తవానికి బహుదూరం,
లే! నిదురలే! ఉరకలేసే ఉత్సాహం, పరుగులెత్తే చైతన్యం నీ సొంతం,
పో! సాగిపో! వడివడిగా, త్వర త్వరగా,
చేరాలి నీ గమ్యం, తాకాలి కలలతీరం.

నువ్వు

నీ రూపే అపురూపం,
నీ కనుసైగే కరవాలం,
నీ పలుకే వేదమంత్రం,
నీ స్పర్శే భావజనితం,
నీ నడకే నెమలి నాట్యం,
నీ తలపే అతిమధురం,
నీ ధ్యాసే నిత్యకృత్యం,
నీ చెలిమే మనోబలం,
నీ ఊహల్లో గగనవిహారం ....... కాని నువ్వులేని క్షణాన కాలమంతా కల్లోలం, కదలేదు ఈ కలం.

సప్తరుచి

తీపి, పులుపు, చేదు, కారం, ఉప్పు, వగరు షడ్రుచులలో భాగం,
కానీ ఫై రుచులన్నీ కలబోసి నువ్వుచ్చిన ముద్దు జీవితకాలం మరువరాని,
కేవలం నాకు మాత్రమే సొంతమైన సప్తరుచి చెలియా......

ప్రియతమా

కలకాలం చెరిగిపోనిది మన స్నేహబంధం,
నీ మాటల్లోని మాధుర్యం అమృతతుల్యం,
నీ ఆదరణ ఆప్యాయత ప్రేమాన్వితం,
లోకాన్నే సరికొత్తగా చూపి నవనూతానోత్సాహాన్ని నింపిన నీ ప్రేరణ అమోఘం,
పరిచయకర్తయిన ఆ దేవదేవునికి ఎలా విన్నవించను నా కృతజ్ఞతలు ??
ఈ చిరుకాల పరిచయం చిరకాలం చిరస్మరణీయం ప్రియతమా..,,,

కోమలితో

నిత్యనూతనం, తేజోమయ కాంతిపుంజం అయిన విశ్వమే శూన్యంగా,
పంచభూతాలు సైతం అక్కరకు రాని చుట్టంగా భావించి,
నిరాసక్తతతో నిర్జీవమై నిద్రాణ స్థితిలో ఉన్న
నీ జీవన రేఖను భాగ్యరేఖగా మార్చడానికి తళుక్కున తారకలా విరిసిన ఆ కోమలితో
ప్రేమవారధి కలపడానికి ఆ కోదండరాముడు సైతం ఉడతాభక్తి సాయం చేస్తాడు నేస్తం.

తన్మయమోక్షం

తనుకులీనే మేని ముఖవచ్చస్సు, నవయవ్వనపు పొంగులు, జగదేక ముగ్దమనోహర రూపం మేళవించిన
ఆ లావణ్యవతి సొబగులు సాగర జలక్రీడల్లో గాంచి సాగరకన్యలు సైతం చిన్నబోగా,
ఆ హరి సైతం నాటి గజేంద్రమోక్షంలా నేడు తన్మయమోక్షం పునరావృతం చేయనున్నాడా అనే తలంపు అతిశయోక్తి కాదేమో !!!

భాషాన్వేషణలో

తెలుగులో అన్నాను నినువిడచి ఉండలేనని,
హిందీలో చెప్పాను తేరేబినా నహీ జీనా,
ఆంగ్లంలో అన్నాను ఐ మిస్ యు,
ఇలా పలుబాషల్లోచెప్పినా నిను చేరలేదేమో నా ప్రేమ భావన?
కాని నీలో ఏకం కావాలనే మనోభావనకు భాష్యం చెప్పే భాషాన్వేషణలో..............

ఎడబాటు

అత్యంత శక్తిమంతమైన వజ్రాయుధాన్ని తలపించే పిడుగుపాటు యొక్క విద్యుదాఘాతతాకిడిని తట్టుకొనగల
ఇన్సులేటర్ ను కనుగొన్న ఓ మహామేధావి !
శతసహస్రకోటి పిడుగుపాట్లకు సమానమైన ఎడబాటుతాకిడిని తాళలేని ఈ మనసు నీ సహాయాన్ని అర్ధిస్తోంది.

రారాజు

ఊహలపల్లకిలో విహరిస్తున్న నీ ఆశలసౌధం సాకారానికి,
అంతర్లీనంగాఉన్న నీ సృజనాత్మకతను కాలానుగుణంగా అన్వయించి, రారాజుగా వెలుగొందిన ఆ క్షణాన,
నీ కీర్తి దిగాదిగంతాలకు వ్యాపించి పదుగురు వేనోళ్ళపొగడగా వినాలనిఉంది మిత్రమా!!!

తెలుగుపలుకులతో

తెలుగుపలుకులతో తెనేలోలికించే ఓ చిన్నదానా
ఏం మాయ చేసావోగాని నీ మాటలగమ్మత్తులో మైమరచిపోతాను...

సాఫ్ట్ వేర్ కీకారణ్యం

మోనిటర్ కాంతులే సూర్యకాంతిలా,
కీబోర్డు శబ్దాలే పక్షుల కిలకిలారావాలుగా,
మేనేజర్ అరుపులే పులి గాడ్రింపులుగా,
క్లైంట్ కేకలే సింహగర్జనలుగా,
పనిచెయ్యని టీంమేట్స్ తోడేళ్ళ సహవాసంగా,
ఆన్సైట్ ప్రశ్నలే వేటగాడి బాణాల్లా,
అరవిరిసిన అందాలే లేడిపిల్లలుగా,
సిస్టం బగ్సే విషనాగులుగా,
ప్రోడక్ట్ డెలివరీలే పెనుతుఫానులుగా,
మాటవినని మనసే వానరంలా ఉండే ఈ సాఫ్ట్ వేర్ కీకారణ్యంలో పయనించే ఓ బాటసారి ఆచితూచి అడుగెయ్యి!!!

ఓ అంతర్యామీ గనలేవా ???

అనంత విశ్వమంతా వ్యాపించి అజరామరమైన నీ ప్రేమ ప్రవాహఉద్రుతిని తాళలేక విలపించిన ఈ హృదయం ,
మరుజన్మకైనా ఆ విశ్వాన్నే దాచుకొనే అగాధం కోసం ఆక్రోశిస్తున్నాడీ అలుపెరగని బాటసారి....
ఓ అంతర్యామీ గనలేవా ???

క్షణాన

జాలువారే నీ కురులను మలయమారుతం తాకిన ఆ క్షణాన,
నీ చెక్కిలి నొక్కులపై విరిసిన ఆ చిరునవ్వునికాన,
ఆగని కాలమైనా క్షణమాగి మైమరచిపోక తప్పదుసుమా

బుల్లికవి

కల్మషమే కానరాని, దాపరికంలేని ఈ పుత్తడి బొమ్మకోసం ఆ దేవుడే దిగివస్తాడు అన్నాడో మహాకవి,
కాదు ఆ దేవేరి కనుసైగకై వేచి ఉన్నాడు అంటున్నాడీ బుల్లికవి ....

సాగిపో

కుశాగ్ర బుద్ధివయ్ , దృఢ చిత్తముతో , లక్ష్యమే ఊపిరిగా, ఆకాశమే హద్దుగా, సాగిపో ఓ నేస్తం,

అపుడు కానరాని, గనలేని, ధరికిరాని, చేరుకొని, చేరలేని విషయం ఈ జగత్తులో ఏది లేదు.

ఓ జవ్వనీ , ధరికి రావేమి ??

నీ కాలి అందెల మువ్వల సవ్వడితో,
వయ్యారాల నడుము ఒంపులో జడగంటలు ఆదితాళం వేస్తుంటే,
నీ కురులు వీణావినోదం చేస్తుంటే,
నీ అధరామృతాన్ని గ్రోల వేణుగానమై శ్రుతి కలపాలని ఉవ్విళ్లూరుతున్నాను ఓ జవ్వనీ , ధరికి రావేమి ??

నేస్తం

ప్రియ నేస్తం ఈ ఉషోదయం నీకు అవ్వాలి నవనూతనోదయం,
సిరులోలికించే నీ నగుమోముకు చిరునవ్వే చిరునామా,
ఈ విశాల వినువీధిలో నా ఈ నేస్తం తారాజువ్వలా వెలగాలని కోరుకొంటూ ....