వినువీధుల్లో

వినువీధుల్లో ఎదలోయల్లో దాగిన ఓ కుసుమం, మనసా వాచా నీతోనంటూ సాగెను ఈ పయనం
దడబిడ గడగడ అలజడి రేపెను ధ్యాసే అనునిత్యం, అలలా ఎగసే శ్వాస క్షణక్షణం నీ కోసం

వెండి మబ్బులో వసంతాలు చల్లనా, స్వాతి చినుకులా నీపై పులకరించనా
పైర గాలిలో హాయినవ్వనా, సుమగంధ మిళితమై నీ మోము తాకనా

కోనేటి అలలలా కదిలే కోటి కురులపై, జాజి కొమ్మలా నే  జంట కట్టనా
సంధ్య వెలుగుల రంగు పులుముకొని, కస్తూరి తిలకమై నీ నుదుట చేరనా

బొండు మల్లెలా బంగారు ఛాయతో, నీ సమ్మోహనాల మేని రంగు అవ్వనా
ఆరు అడుగుల నా తోడు నీడతో, ఆరుమూరల తళుకు చీర చుట్టనా

చిమ్మ చీకటి నిండు రాత్రిలో నీ కంటి కాంతుల వెండి వెలుగులద్దవా
అమ్మ మాటలా జోలాలి పాటలా నీ తీపి పలుకుల రాగామాలపించవా