ఒక్కటే

భగవంతుని పలువిధాలుగా కొలిచినా అంతరాత్మలో జనించే భక్తి భావం ఒక్కటే,
మతాలు ఎన్నైనా భోదించే మానవత్వమనే తత్త్వం ఒక్కటే,
పిల్లలు ఎందరున్నా అమ్మ చూపించే లాలన ఒక్కటే,
అనుభందభాంధవ్యాలు ఎన్నున్నా కడదాకాసాగే స్నేహబంధం ఒక్కటే,
పాటలెన్నున్నా స్వరాలను జనింపజేసే సప్తస్వర సమ్మేళనం ఒక్కటే,
సృష్టికే ప్రతిసృష్టి చేసేలా అందరినీ నడిపించే సృజనాత్మకత ఒక్కటే,
అందమైన శిల్పాలెన్నున్నా రూపమిచ్చే ఉలి ఒక్కటే,
కోపతాపాలెన్నునా క్షణంలో కరిగించే ప్రేయసి ముద్దు ఒక్కటే,
తారలెన్నున్నా మానవజాతికే వన్నెతెచ్చిన ధృవతార ఒక్కటే,
ఎందరు పోటిచేసినా అందరిలో గెలవాలన్న కృతనిశ్చయం ఒక్కటే,
భాషలెన్నున్నా తేనేలోలికించే తేట తెలుగు ఒక్కటే.

చకోరపక్షి

చక్కని చుక్కైన నీ చెక్కిలి తాకాలని,
చక చకా నీ చెంత చేరాలని,
చల్లని సాయంత్రం చందమామ రావాలని,
చెలికాడినై జిలిబిలి పలుకులు చిత్తగించాలని,
చిరు జల్లుల్లో చలాకీగా కలసి చిందేయ్యాలని,
చలోక్తులతో చక్కగా చమత్కరించాలని,
చిలిపి చేష్టలతో చక్కిలిగింతలు పెట్టాలని,
చారడేసి కళ్ళను చటుక్కున చుంబించాలని…
ఓ చెలీ!! చకోరపక్షిలా నీ చుట్టూ తిరుగుతున్నాను.