పరేషాన్

చలాకీ చిన్నది, జాబిలిలా నవ్వింది, తీగలా మెరిసింది, జాతరలో కలిసింది,

గిలకలా ఘల్లంది, లొల్లి లొల్లి చేసింది, దగ్గరికి రమ్మంది, గిల్లి గిచ్చి పెట్టింది, మౌనమేల పదమంది,

మనసేమో పొమ్మంది, మాట మాత్రం విననంది, అయ్యబాబోయ్ సిగ్గంది, ఆహా! బుర్రంతా పాడయింది,

… దిల్లంతా పరేషాన్ చేసింది రా మావా!!! ….

ఎంత

నాలోఉన్న నీతో ఏకమైన మనసుని అడుగు నువ్వంటే ఎంత ఇష్టమని,

క్షణమైనా నీ రూపు మరువలేని కనుపాపని అడుగు నిను విడచి ఉండటం ఎంత కష్టమని,

ఎప్పుడూ నిన్నే తలచే నా ఆలోచనని అడుగు నీకోసం ఎంత పరితపిస్తానని,

నీ ధ్యాసే ప్రేరణగా కదిలే గుండెచప్పుడుని అడుగు నీ చెలిమికై ఎంత తల్లడిల్లానని,

నీ కోసమే జీవిస్తూ వదిలే ప్రతి శ్వాసని అడుగు నీ రాకకై ఎంత ఎదురు చూస్తానని...