కిన్నెర

సిలకల నవ్వుల్ది కిన్నెర, అరె! కొర కొర సూపుల్ది కిన్నెర, బిర బిర సెంతకు వచ్చేరా,
దాని సొగసుల్తో మనసంత గుచ్చేరా, కనుసైగల్తో ఊసుల దెలిపెరా, మావా! మనువాడ బాసల్ని జేసెరా

|| కోరస్ || ఒలె ఒలె ఒలే ! ఎవరా గుంట, ఏటి నీ కథ

అమ్మోరు జాతర్లో, గౌరమ్మ తల్లికి,
పొర్లు దండాలెట్టి, టెంకాయ కొట్టి, పరమాన్నమెట్టి ,
నా లగ్గమెప్పుడని, లంకె ఎలాగని, పిల్ల ఎక్కడని అడిగా

|| కో || ఆహా!

ఎంటనే దీవించే తల్లి

|| కో || ఎలగేలగా ?

గుళ్లోన మోగింది గంట, ఆ బుల్లేమో భలే బాగుందంట, నా గుండెఆగి పోయేనంట , మనసంతా పెట్టింది మంట

|| కో || ఆహా !

నే ఎల్లాను ఆ పిల్ల ఎంట, పేరేటి పిల్లా అంటే, కన్నెర్ర జేసింది పిల్ల,
కొట్టింది తలమీద జెల్ల,రుసరుసా ఎలిపోయే ఇల్లా

|| కో || తరువాత?

ఆ కొంటె కోణంగి ఎక్కడుంటదని, కొండంతా, కోనంతా, ఊరంతా, వాడంతా
అలుపే లేకుండా, బువ్వేమో తినకుండా, రేయిపగలంతా నే తిరిగా
అయినా కనరాదా పిల్లా, నాకు మతిపోయి మూర్చొచ్చే ఇల్లా

|| కో || అపుడు ఏటయింది?

ఘలు ఘల్లు మోగే కాలి గజ్జెల మోతలు,
గల గల జారే చేతి రబ్బరు గాజులు,
బిర బిర తాకే మృదువైన సేతులు,
జల జల రాలే కన్నీటి సుక్కలు

ఏటయిందని కనులార జూస్తే , ఎదురుగా ఉందా కూన

|| కో || ఆహా !

కిల కిల నవ్వింది, దగ్గరికి రమ్మంది, కలిసుందాం పదమంది, నాతోనే సయ్యంది ...

|| సిలకల ||