మాతృభాషలోని మాధుర్యాన్ని మరచి, పరాయి భాషలో గొప్పదనాన్ని వెదికే సంస్కృతి నుంచి కావాలి స్వేచ్ఛ ,
క్రీడాస్ఫూర్తి నింపడానికి విదేశీయుల తర్ఫీదుకే ప్రాముఖ్యాన్నిచ్చే పద్దతినుంచి కావాలి స్వేచ్ఛ,
భారతదేశపు ఆర్ధికస్థితి కొన్ని విదేశాల మనుగడపైనే ఆధారపడే స్థితి నుంచి కావాలి స్వేచ్ఛ,
హాలీవుడ్ ని చూసి బాలీవుడ్, టాలీవుడ్ అని పేర్లు పెట్టుకొనే మూస ధోరణి నుంచి కావాలి స్వేచ్ఛ,
చలన చిత్రాలను, రాజకీయాలను, కులమతాలను ఒకేగాడిన కట్టే ఆలోచన నుంచి కావాలి స్వేచ్ఛ,
ఆకలికేకల విలయతాండవం ఒకవైపు, అపరాకుబేరుల విలాసాలు మరోవైపు, ఈ అసమతౌల్యము నుంచి కావాలి స్వేచ్ఛ,
స్వదేశాభివృద్దికి కృషిచేయక, విదేశం భూతలస్వర్గం అనుకొంటూ ఆత్మనింద చేసుకోవడం నుంచి కావాలి స్వేచ్ఛ,
ధనార్జన మత్తులో, కుటుంబానికి సమయం వెచ్చించలేక సాగే ఉరుకుల పరుగుల జీవితం నుంచి కావాలి స్వేచ్ఛ...
No comments:
Post a Comment